Brajan Gruda ishte protagonist kryesor në kualifikimin e Brighton-it ndaj Manchester United në kuadër të raundit të 1/32-ave të Kupës FA.
Sulmuesi 21-vjeçar ishte protagonist i drejtpërdrejtë në të dy golat e shënuar nga skuadra e tij në stadiumin “Old Trafford”, në takimin që përfundoi me rezultatin 1-2.
SHIKONI VIDEON: Goli i shënuar nga Brajan Gruda në Angli
Gruda hapi serinë e golave duke shënuar vetë dhe më pas shërbeu asistin për golin e dytë të realizuar nga Danny Welbeck.
Sipas platformave të specializuara të statistikave si “Flashscore”, futbollisti me origjinë shqiptare u vlerësua me notën më të lartë të ndeshjes, 8.5.
Kjo paraqitje rezultoi vendimtare për eliminimin e “Djajve të Kuq” nga ky kompeticion. Performanca e tij është cilësuar si një nga më të mirat e karrierës së tij të deritanishme në Angli.
