Kombëtarja shqiptare ka mbërritur në Serbi në prag të ndeshjes vendimtare për kualifikueset e Botërorit.
Kuqezinjtë u nisën paraditen e së premtes nga Tirana dhe janë akomoduar në qytetin e Nishit, ku do të qëndrojnë deri në ditën e ndeshjes.
Udhëtimi dhe pritja janë zhvilluar nën masa të shtuara sigurie. Pas mbërritjes në aeroport, ekipi është drejtuar menjëherë drejt hotelit të caktuar.
Stërvitja e parë në tokën serbe është planifikuar të mbahet rreth orës 17:30. Ndeshja mes Serbisë dhe Shqipërisë do të zhvillohet të shtunën, më 11 tetor, në stadiumin e Leskovacit. Sfida pritet të ketë rëndësi të madhe për ecurinë e të dyja skuadrave në grup.
