Nazmi Gripshi ka zgjedhur momentin më të bukur për të shënuar golin e tij të parë në kampionatin rus, duke u shndërruar në protagonistin kryesor të sfidës mes Rubin Kazan dhe Krasnodar.
Në takimin e vlefshëm për javën e 20-të të Premier League ruse, fantazisti i Kombëtares shqiptare zhbllokoi shifrat në minutën e 24-t. Gripshi kaloi me një driblim “dehës” ndaj mbrojtjes kundërshtare dhe me një goditje plot klas, e ndali topin në rrjetë për avantazhin 1-0.
SHIKONI GOLIN E SHËNUAR:
Ky gol mbart një peshë të dyfishtë për futbollistin shqiptar. Përveçse është realizimi i tij i parë me fanellën e Rubin Kazan, Gripshi ka zgjedhur një festë mjaft emocionuese për ta shoqëruar.
Pasi shënoi, ai dha lajmin e madh se së shpejti do të bëhet baba. Një ogur i mirë ky për mesfushorin, i cili po fillon të lërë gjurmë në njërën prej ligave më fizike të Europës.
