Ernest Muçi po konfirmohet si një lider i padiskutueshëm te Trabzonspori, duke u bërë sërish protagonist në sfidën ndaj Gaziantepit.
Sulmuesi i Kombëtares shqiptare dhuroi një asist magjik në minutën e 24-të, duke i shërbyer Augustos për të rikthyer baraspeshën e përkohshme në 1-1.
SHIKONI VIDEON:
Ky moment tregoi edhe një herë klasin e lartë të 24-vjeçarit, i cili po kalon sezonin më të mirë në karrierën e tij. Deri më tani, Muçi ka shënuar 10 gola në 18 ndeshje të zhvilluara në Superligën turke, ndërsa numëron edhe 3 asiste.
Performancat e tij konstante e kanë kthyer atë në një nga lojtarët më të dashur për tifozët e Trabzonsporit.
