Lorent Tolaj ka realizuar golin e tij të parë me fanellën e Bristol City-t në një ndeshje zyrtare.
Sulmuesi shqiptar tundi rrjetën ndaj Portsmouth në minutën e 31-të të takimit. Kjo sfidë ishte e vlefshme për javën e tretë të kampionatit anglez, Championship.
24-vjeçari ishte pikërisht autori i golit që zhbllokoi shifrat dhe i dha avantazhin ekipit të tij. Për kartonin e Tolajt, Bristol City shpenzoi rreth 5 milionë euro gjatë kësaj dritareje transferimesh.
Ai u largua nga Plymouth pas një edicioni fantastik ku realizoi 21 gola dhe dhuroi 8 asistime. Sulmuesi ka luajtur me moshat e Zvicrës, por gëzon të drejtën të përfaqësojë Shqipërinë, ndërkohë që edhe Kosova ka shfaqur interesim për shërbimet e tij.
