Viking arriti të eliminonte Dinamon e Zagrebit në fazën “play-off” të Champions League, me Arbër Hoxhën që shënoi golin e parë për kroatët përpara se norvegjezët të përmbysnin sfidën me tri realizime.
Mirëpo, përballja është pasuar nga një polemikë e rëndë jashtë fushës së lojës. Sipas raportimeve të medias “Germanijak”, futbollisti Tobias Moi e ka akuzuar pikërisht anësorin kuqezi për thirrje raciste.
Vetë klubi i Viking ka publikuar një deklaratë zyrtare ku konfirmon se një incident i tillë ka ndodhur në minutën e 57-të të takimit. Përfaqësuesit e UEFA-s janë vënë menjëherë në dijeni dhe kanë zhvilluar një takim zyrtar me lojtarin norvegjez për të zbardhur rrjedhën e ngjarjeve.
Deklarata e Viking pas ndeshjes:
“Viking ndjek ngjarjen e rëndë. Gjatë ndeshjes së mbrëmshme, ndodhi një incident serioz i lidhur me racizmin kundër lojtarit tonë Tobias Moi. Përfaqësuesit e UEFA-s u njoftuan për incidentin pas ndeshjes dhe më pas u zhvillua një takim me Tobias ku u hartua rrjedha e ngjarjeve.
Tani po e ndjekim çështjen përmes kanaleve zyrtare brenda UEFA-s dhe do të ofrojmë informacionin e nevojshëm në përpunimin e mëtejshëm.
Viking Football kundërshton fuqimisht të gjitha format e racizmit dhe diskriminimit. Kjo nuk duhet të ketë vend në futboll dhe ne e marrim shumë seriozisht atë që Tobias ka përjetuar.
Për shkak të shqyrtimit të mëtejshëm, as klubi dhe as Tobias nuk do të komentojnë më tej mbi incidentin derisa çështja të jetë përpunuar”.
