Qazim Laçi është rikthyer te goli në Superligën turke. Mesfushori i Kombëtares, i dha fitoren 1-0 skuadrës së Rizespor ndaj Antalyaspor.
Laçi zhbllokoi takimin në minutën e 10-të, në atë që ishte dhe goli i vetëm që vendosi ndeshjen. Shqiptari u tregua i saktë nga pika e bardhë e penalltisë, për t’i dhënë fitoren ekipit të tij.
30-vjeçari shkon në kuotën e katër golave të shënuar këtë sezon në kampionatin turk, ndërsa ka edhe gjashtë asiste në 24 sfida të zhvilluara.
Sa i përket Rizespor, kjo është fitorja e tretë radhazi në Superligë dhe i ngjit në kuotën e 30 pikëve, në vendin e tetë.
