Ndeshja e Kupës së Italisë mes Veronës dhe Venecias u ndërpre në fillimin e pjesës së dytë për shkak të kushteve atmosferike.
Në minutat e para pas rifillimit të lojës, mbi stadiumin “Bentegodi” nisi papritur një stuhi e fortë breshëri.
Futbollistët patën vështirësi të dukshme për të qëndruar në fushë dhe arbitri vendosi të ndalë përkohësisht takimin.
SHIH VIDEON
Lojtarët dhe gjyqtarët u drejtuan menjëherë drejt dhomave të zhveshjes për të shmangur rrezikun. Pas disa minutash pritjeje, situata atmosferike u qetësua.
Vetëm atëherë arbitri dha sinjalin për rifillimin e lojës. Ndeshja vijoi normalisht pas ndërprerjes së shkurtër.
