Alban Hoxha u rikthye titullar në portën e Partizanit përballë Vllaznisë, ndeshje që deri në minutat e fundit ishte e barazuar.
Prej vitesh, portieri ka mbetur figura më e qëndrueshme e klubit kryeqytetas, pavarësisht ndryshimeve të shumta në skuadër.
Kontrata e tij nuk është vënë asnjëherë në diskutim, pasi ai shihet si simbol i besnikërisë. Hoxha është tashmë lojtari me më shumë eksperiencë në Kategorinë Superiore, duke qëndruar vazhdimisht në elitë.
Ai është gjithashtu futbollisti më i vjetër në kampionat edhe për nga mosha.
Prej vitit 2013, nuk ka ndryshuar fanellë, duke e lidhur emrin e tij ngushtë me Partizanin. Për shumëkënd, pritet të mbetet pjesë e klubit deri në tërheqjen nga futbolli i luajtur.
