Redon Xhixha foli në Klan News, për karrierën e tij. Sulmuesi zbuloi se momentalisht ndodhet në Shqipëri dhe në pritje se çfarë do të vendosë të ardhmen, ndërsa la të kuptohej se e ka mbyllur aventurën në Algjeri te Belouizdad.
Sipas tij, transferimi në Algjeri ishte një zgjidhje e gabuar, ndërsa theksoi se në Azerbajxhan, te Qarabag kishte një periudhë të mirë.
Xhixha foli edhe për Tiranën, për të cilët theksoi se kanë mundësi për mbijteseën, sepse janë edhe dy faza kampionat.
“Xhixha momentalisht është pa ekip dhe në shtëpinë e tij në Laç. Te Qarabag kalova një periudhë të mirë. Transferimi në Algjeri mund të them se ishte një zgjedhje e gabuar. Të shohim se çfarë do të rezervojë e ardhmja.
Nuk besoj që ishte problem përshtatja. Te Qarabag u përshtata shumë mirë. Një dëmtim më penalizoi dhe mbeta jashtë fushe për shumë kohë. Ambientimi në Algjeri nuk ishte ashtu si duhej.
Mbijetesa te Tirana? Vonë nuk është. Janë bërë vetëm dy faza. Janë edhe dy të tjera në lojë. Ka shumë pikë”, deklaroi Xhixha.
