Ronaldo Maran u ndje i vjedhur për një penallti të padhënë ndaj Finlandës, ndërsa Shqipëria u mposht me rezultatin 2-1. Episodi me Myrto Uzunin në minutën e 79-të mund të ndryshonte fatin e sfidës.
Sfida e radhës ndërkohë është si stërvitje për kuqezinjtë. Përballë do të vendoset San Marino, pikërisht më 6 tetor në “Air Albania”.
UEFA ka zbuluar gjyqtarët për këtë takim. Do të jenë nga Turqia ata që do të mbërrijnë në Tiranë për raundin e katërt në Ligën e Kombeve.
Mehmet Turkmen është caktuar si gjyqtari kryesor. Si asistentë të tij do të qëndrojnë Ibrahim Çaglar Uyarca dhe Anil Ussta. Në VAR dhe AVAR janë respektivisht Onur Ozutoprak dhe Erkan Engin.
Sfida me San Marinon do të nisë në orën 20:45. Fitorja ndaj vendit të fundit në renditjen e FIFA-s nuk diskutohet.
