Saliou Guindo është zyrtarizuar si lojtar i Dinamo City. Sulmuesi 28-vjeçar ka qenë pjesë e Egnatias deri këtë verë, kur përfundoi bashkëpunimin me klubin.
Ai afrohet te Dinamo si zëvendësues i Itodo Mandelës, i cili e vazhdon karrierën në Ukrainë. Me afrimin e Guindos, pas Bernard Berishës, dinamovitët kanë kompletuar repartin ofensiv. Futbollisti është prezantuar me fanellën blu dhe tashmë është vënë nën urdhrat e trajnerit Ilir Daja.
Guindo e njeh mirë kampionatin shqiptar, pasi ka luajtur më parë me disa skuadra në Superiore. Ai ka pasur gjithashtu edhe disa eksperienca në kampionate të huaja. Dinamo do të ketë në dispozicion lojtarin e ri në prag të ndeshjes me Jagiellonian.
Njoftimi i Dinamos:
“Saliou Guindo është përforcimi i radhës për skuadrën tonë. Futbollisti 28-vjeçar ka bërë prezantimin me fanellën e Dinamo City dhe është vënë nën urdhrat e trajnerit Ilir Daja.
Pas Bernard Berishës, presidenti Adrian Bardhi bën një tjetër goditje, duke kompletuar sulmin blu me një element të rëndësishëm.
Guindo e njeh mjaft mirë kampionatin shqiptar, pasi është aktivizuar me disa skuadra, së fundi me Egnatian. Ai ka pasur po ashtu edhe disa eksperienca në kampionate të tjera të huaja.
Mirë se vjen dhe suksese me fanellën blu, Saliou Guindo!”
