Pasioni i madh për Kupën e Botës i ka kushtuar shtrenjtë një shpërndarësi droge nga Peruja, i cili ka rënë në prangat e policisë.
Grupi “Terna” i policisë kombëtare peruane ka arrestuar 48-vjeçarin Carlos Cabrera në lagjen “Las Flores” të Limës, përmes një strategjie sa efikase, aq edhe të pazakontë.
Dy agjentë policie u maskuan si “Clutch” dhe “Maple”, dy nga tri maskotat zyrtare të Botërorit 2026, që përfaqësojnë përkatësisht shqiponjën e SHBA-së dhe drerin e Kanadasë.
Ky truk i lejoi që t’i afroheshin banesës pa ngritur dyshime, pikërisht në momentin kur i kërkuari, i njohur me pseudonimin “Pichichi”, po ndiqte ceremoninë e hapjes së turneut në televizion. Gjatë operacionit, autoritetet sekuestruan një sasi të madhe lëndësh narkotike, përfshirë kokainë, marijuanë, si dhe një armë zjarri me municione.
Cabrera rezulton një emër i njohur për drejtësinë, pasi ka kaluar rreth 9 vite të jetës së tij në burgjet e kryeqytetit për të njëjtën vepër penale.
