Paris Saint Germain ka fituar Champions League për të dytin vit radhazi. Francezët triumfuan në finale ndaj Arsenalit, pas gjuajtjes së penalltive.
Koha e rregullt dhe shtesat u mbyllën në barazim 1-1, ndërsa nga “ruleta ruse”, PSG ishte më e saktë, duke shënuar katër herë, ndërsa Arsenal gaboi dy gjuajtje.
Sfida nisi në mënyrën më të mirë të mundshme për Arsenalin, që gjeti avantazhin pas 6 minutave lojë, me Kai Havertz. Pas këtij goli, pjesa e parë nuk prodhoi më raste të pastra.
Ndryshe ishte e dyta, ku francezët gjetën barazimin. Në minutën e 65-të, Kvaratskhelia fitoi penallti, pas një ndërhyrje të Mosquera. Nga pika e bardhë, Dembele u tregua i saktë.
Pas kësaj, të dyja ekipet iu afruan avantazhit disa herë, por koha e rregullt nuk prodhoi më gola. E njëjta situatë ishte edhe në shtesa.
Te penalltitë, më e saktë u tregua skuadra e Luis Enrique, që shënoi katër herë dhe mori trofeun. Tek Arsenali vazhdon pritja për trofeun e parë.
