Sedat Pajaziti është trajneri i radhës i larguar në Shqipëri. Ai ka dhënë dorëheqjen nga drejtimi i Kukësit në Kategorinë e Parë.
Aventura e 52-vjeçarit ka zgjatur pak, pasi u emërua në stolin e verilindorëve vetëm në muajin korrik.
Në këtë nisje të sezonit të ri, Kukësi ka arritur të grumbullojë vetëm 4 pikë dhe renditet në vendin e 10-të.
Nën drejtimin e Pajazitit kanë marrë vetëm një fitore, një barazim dhe 3 humbje. Duket se rezultatet jo të mira e kanë shtyrë trajnerin të marrë këtë vendim, i cili vjen pas disfatës me Pogradecin.
