Ivan Gvozdenovic do të vazhdojë të jetë trajner i Elbasanit edhe për sezonin e ardhshëm. Klubi ka njoftuar rinovimin e kontratës edhe për një vit tjetër.
Serbi u ul në stolin e verdhebluve edicionin e kaluar, pas largimit nga Skënderbeu. Skuadra i ka bidnur të gjithë me rezultate, ku po lufton për titullin.
Elbasani do të luajë ndeshjen e fundit në “Final Four” më 31 maj, ku diskutohet titulli kampion. Verdheblutë janë në garë për trofeun, por i duhen kombinime me ndeshjen tjetër.
Elbasani mban vendin e dytë me 34 pikë, po aq sa Egnatia kryesuese. Në rast se Egnatia ndalet nga Dinamo dhe Elbasani fiton ndeshjen, titulli do të shkonte për skuadrën e Gvozdenovic.
Ky do të ishte shpërblimi më i mirë i mundshëm për rinovimin e kontratës.
NJOFTIMI I KLUBIT:
2027 projekti vazhdon…
AF Elbasani njofton rinovimin e marrëveshjes me trajnerin Ivan Gvozdenovic duke konfirmuar vazhdimin e projektit edhe për sezonin e ardhshëm.
Ky vendim pasqyron besimin e klubit te puna, vizioni dhe profesionalizmi i stafit teknik, si dhe synimin për të ndërtuar mbi bazat e krijuara deri më tani.
