Xabi Alonso nuk është më trajner i Real Madrid. Klubi ka vendosur të largojë teknikun bask. Vendimi vjen menjëherë pas humbjes që skuadra pësoi në finalen e Superkupës së Spanjës kundër Barcelonës.
Përmes një komunikate zyrtare, klubi madrilen bëri me dije se ndërprerja e kontratës është bërë me mirëkuptim të dyanshëm.
LEXO EDHE: ZYRTARE/ Reali zgjedh trajnerin e ri, madrilenët nuk humbasin kohë
Rezultati 3-2 në favor të rivalëve katalanas duket se ka qenë vendimtar për të ardhmen e teknikut spanjoll në stolin e “Los Blancos”.
Edhe pse spekulimet mbi largimin e tij kishin nisur prej kohësh, kjo lëvizje konsiderohet si një kthesë e rëndësishme në menaxhimin e ekipit. Klubi ka falënderuar trajnerin për punën e bërë deri më tani, pa dhënë detaje mbi pasardhësin e tij.
