Klubi i Elbasanit ka zyrtarizuar afrimin më të ri në merkaton e verës, duke prezantuar sulmuesin 24-vjeçar Ardit Nikaj.
Ai bëhet sulmuesi i dytë nga Shkodra që i bashkohet skuadrës verdheblu në këtë periudhë, pas firmës me Rubin Hebajn.
Nikaj vjen te njoftimi i ri pas një eksperience në Poloni me skuadrën e Wisla Krakow në ligën e dytë, ku ishte i huazuar nga radhët e Skënderbeut.
Pasi mbylli aventurën me polakët, lojtari zgjodhi të rikthehet në futbollin shqiptar për të veshur fanellën e Elbasanit. Ky transferim konsiderohet një përforcim i rëndësishëm për repartin e avancuar, teksa klubi po përgatitet për debutimin historik në arenën ndërkombëtare.
Elbasani do të nisë rrugëtimin e tij europian që nga turi i parë kualifikues i Ligës së Konferencës.
