Botërori ka nisur pa surpriza. Meksika triumfoi 2-0 ndaj Afrikës së Jugut, në ndeshjen hapëse të Kupës së Botës, e cila u transmetua në Tv Klan.
Siç edhe pritej, ndeshja nisi me dominimin e organizatorëve. Meksika gjeti avantazhin në minutën e 9-të, me golin e Quinones, i cili shënoi pas një gafe në mbrojtjen afrikane.
Në fundin e pjesës së parë meksikanët iu afruan edhe të dytit, por u ndalën nga portieri dhe shtylla.
Fraksioni i dytë nisi i vrullshëm. Afrika e Jugut mbeti me 10 lojtarë, pas ndëshkimit me të kuq të Sithole.
Golin e dytë për Meksikën e shënoi Jimenez në minutën e 67-të me kokë, pas një krosimi nga e djathta. Fundi i lojës u shoqërua me dy kartonë të tjerë, nga një për secilën skuadër, por rezultati nuk ndryshoi.
Me këtë fitore, Meksika merr kryesimin me 3 pikë, në pritje të ndeshjes mes Çekisë dhe Koresë së Jugut.
