Kristjan Asllani ka pasur një debutim plot dritëhije me fanellën e Besiktas në fitoren 2-1 ndaj Konyaspor.
Mesfushori i kombëtares shqiptare u fut në fushë në minutën e 76-të, por aventura e tij zgjati vetëm 5 minuta, pasi u ndëshkua me karton të kuq direkt për një ndërhyrje të rrezikshme.
Megjithatë, për fatin e mirë të lojtarit, rregullorja e Federatës Turke të Futbollit lejon që dënimi të shlyhet në ndeshjen e radhës zyrtare, pavarësisht kompeticionit.
Kjo do të thotë se Asllani do të humbasë ndeshjen e Kupës ndaj Kocaelispor, por do të jetë plotësisht i gatshëm për trajnerin në sfidën e ardhshme të kampionatit kundër Alanyaspor.
SHIKONI KARTONIN E KUQ:
