Bledi Kadiu do të jetë trajner i Kukësit edhe për një tjetër sezon. Klubi verilindor ka zyrtarizuar rinovimin e kontratës me teknikun, duke i besuar vazhdimësinë e projektit futbollistik për sezonet e ardhshme.
Vendimi i drejtuesve erdhi pas përmbushjes së objektivit kryesor në një moment mjaft të ndërlikuar për skuadrën.
Nën drejtimin e Kadiut, Kukësi arriti të siguronte qëndrimin në Kategorinë e Parë, pasi mposhti Butrintin me rezultatin pastër 2-0.
Përmes një komunikate zyrtare, klubi vlerësoi përkushtimin dhe punën e palodhur të trajnerit, e cila hodhi bazat për të ardhmen, duke i uruar atij suksese të mëtejshme në edicionin e ri.
NJOFTIMI I PLOTË
Blediu Kadiu vazhdon projektin me Kukësin!
Rezultatet, puna dhe përkushtimi i treguar gjatë sezonit të fundit kanë bindur klubin për të vazhduar projektin me trajnerin Bledi Kadiu.
Kadiu mori drejtimin e skuadrës në një moment të vështirë dhe kur gjithçka dukej e pamundur, por rezultatet pozitive dhe puna e palodhshme, sollën frytet e veta. Puna e bërë gjatë këtij sezoni ka krijuar bazat për vazhdimësinë e projektit, ndaj klubi ka vendosur të rinovojë bashkëpunimin me trajnerin deri në vitin 2027.
I urojmë trajnerit Bledi Kadiu suksese të mëtejshme.
Vazhdojmë së bashku. Forca Kukësi.
