Coventry City është skuadra e parë që siguron zyrtarisht ngjitjen në Premier League pas një pritjeje prej 25 vitesh.
Ekipi i drejtuar nga Frank Lampard barazoi 1-1 në transfertë ndaj Blackburn, rezultat që mjaftoi për të siguruar matematikisht vendin e parë tre javë para mbylljes së kampionatit.
Ky sukses shënon fundin e një periudhe të vështirë për klubin, i cili në vitin 2018 luante në kategorinë e katërt angleze.
Coventry ishte pjesë e pandashme e elitës nga viti 1967 deri në 2001, ndërsa tashmë rikthehet nën drejtimin e legjendës së Chelsea-t. Pas dështimit në finalen e “play-off” në vitin 2023, skuadra arriti këtë herë objektivin në mënyrë direkte.
Ndërkohë, gara për vendin e dytë mbetet e hapur mes Ipswich, Millwall, Southampton dhe Middlesbrough. Ipswich mbetet favoritja kryesore pasi mban vendin e dytë me një ndeshje më pak.
