Arsenali ka arritur marrëveshje me Sporting Lisbona për transferimin e Viktor Gyökeres në një operacion që shkon mbi 70 milionë euro. Klubi portugez do të arkëtojë 63.5 milionë euro dhe 10 milionë të tjera si bonuse.
Vullneti i lojtarit suedez ishte vendimtar, pasi ai kishte refuzuar interesimin e Manchester United për të kaluar teK Arsenali.
Gyökeres vjen pas dy sezonesh të jashtëzakonshme me 97 gola në 102 ndeshje me Sportingun. Trajneri Mikel Arteta e kishte vendosur si prioritet për të zgjidhur mungesën e një sulmuesi efektiv.
Lojtari pritet të kryejë vizitat mjekësore dhe të firmosë brenda pak orësh. Ky transferim konsiderohet si një nga më të rëndësishmit në merkaton angleze të kësaj vere.
