Mateo Retegui
Mateo Retegui, golashënuesi më i mirë i Serisë A sezonin e kaluar, është transferuar zyrtarisht tek Al Qadsiah në Arabinë Saudite.
Sulmuesi 26-vjeçar firmosi një kontratë katërvjeçare me klubin që u rendit i katërti sezonin e kaluar në kampionatin saudit. Retegui vjen nga Atalanta, ku shënoi 25 gola në 36 ndeshje, duke ndihmuar skuadrën të mbyllte kampionatin në vendin e tretë.
Lojtari, i lindur në Argjentinë dhe lojatr i Italisë, ka shënuar 6 gola në 20 ndeshje me “Azzurrët”. Tek Al Qadsiah ai do të zëvendësojë Pierre-Emerick Aubameyang, i larguar javën e kaluar.
Në deklaratën e tij të parë, Retegui tha se është i gatshëm të japë maksimumin dhe të ndihmojë ekipin me gola. Klubi saudit synon një sezon edhe më të suksesshëm me afrimin e tij.
