Barcelona është momentalisht kryesuese e La Ligës pas fitores 3-1 ndaj Alavesit në javën e 14-të të kampionatit.
Sfida e luajtur në “Camp Nou” nisi në mënyrë të papritur për katalanasit, të cilët e pësuan që në minutën e parë të sfidës nga Ibanez, por në minutën e 8’, Lamine Yamal barazoi shifrat.
Në minutën e 26’, Dani Olmo tundi rrjetën për të përmbysur takimin dhe ishte sërish spanjolli që në fund, pas një asisti të Yamal kësaj radhe, shënoi dhe golin e tretë.
Me këtë fitore, Barcelona ngjitet në krye të tabelës me 34 pikë, dy më shumë se Reali i Madridit, por me këtë të fundit me një ndeshje më pak.
