Mesfushori 19-vjeçar, Adriano Bregu, pritet të largohet nga radhët e Panathinaikos gjatë kësaj periudhe merkatoje. Lojtari me origjinë shqiptare, i cili luan për përfaqësuesen U-21 të Greqisë, nuk ka gjetur hapësirat e duhura te skuadra kryeqytetase.
Sipas raportimeve nga “Gazzetta.gr”, klubi i Panetolikos ka shfaqur interes për të siguruar shërbimet e mesfushorit. Palët janë duke diskutuar për një marrëveshje huazimi, e cila parashikon edhe të drejtën e blerjes në fund të sezonit. Kjo formulë i jep mundësi Panathinaikos që të monitorojë ecurinë e lojtarit për një rikthim të mundshëm në të ardhmen.
Për Bregun, ky transferim shihet si mundësi për të pasur më shumë minuta në fushën e lojës në Superligën greke. Skuadra e Panetolikos aktualisht ndodhet në zonën e ftohtë të klasifikimit. Ekipi ka grumbulluar 15 pikë në 15 ndeshje dhe është i përfshirë në luftën për mbijetesë.
