Santos pësoi një humbje të thellë 0-6 në ndeshjen e Serisë A braziliane kundër Vasco da Gama, që përbën disfatën më të rëndë në karrierën e Neymar.
Në fund të ndeshjes, sulmuesi brazilian u pa duke qarë në fushë, teksa shokët dhe trajneri kundërshtar përpiqeshin ta qetësonin.
Ai e përshkroi performancën e ekipit si “turp”, ndërsa deklaroi se nuk kishte përjetuar kurrë diçka të tillë më parë dhe u shpreh se tifozët kanë të drejtë të protestojnë, përderisa i përcaktoi fyerjet si të pranueshme në këtë situatë.
Rezultati i rëndë solli edhe një vendim drastik. Trajneri Kleber Xavier, në detyrë që nga prilli, u shkarkua menjëherë pas humbjes.
Santos tanimë ndodhet në vendin e 15-të në renditje, vetëm dy pikë mbi zonën e rënies nga kategoria.
Neymar, me rikthimin e tij te Santos në fillim të 2025-ës, po përballet me një prej periudhave më të vështira të karrierës së tij sportive.
