Saleh Nasr nuk do të largohet nga Skënderbeu, pavarësisht zërave të fundit që qarkulluan për të ardhmen e tij.
Sipas asaj që raportohet nga “Korça Boom”, sulmuesi egjiptian do të jetë pjesë e skuadrës dhe do të stërvitet normalisht nën urdhërat e trajnerit Ernest Gjoka. Javën e kaluar Nasr pati një konflikt me persona të tjerë në Korçë dhe pas kësaj kërkoi largimin, por situata është mbyllur dhe marrëdhëniet janë rikthyer në normalitet.
Klubi vlerëson kontributin e tij dhe llogarit në shërbimet e lojtarit për vazhdimësinë e sezonit. Bashkë me Nasr, edhe sulmuesi tjetër, Bismark, është përfolur për një largim të mundshëm. Megjithatë, Skënderbeu do të shqyrtojë largimin e tyre vetëm në rast se mbërrijnë oferta të rëndësishme financiare.
Deri më tani nuk ka asnjë ofertë konkrete për dy lojtarët. Kështu, të dy pritet të vijojnë të jenë pjesë e skuadrës korçare.
