Endri Çekiçi është zyrtarisht lojtar i CR Belouizdad në Algjeri. Ditët e fundit ai ishte parë në stërvitje me ekipin e Pogradecit, por ka zgjedhur të vijojë karrierën jashtë vendit.
Skuadra e re u zbulua përmes një videoje të publikuar në internet. Mesfushori i Kombëtares shqiptare do të mbajë fanellën me numrin 10 te skuadra e re.
Në këtë ekip aktivizohet edhe sulmuesi shqiptar Redon Xhixha. Çekiçi ka një përvojë të gjatë në futbollin turk, ku luajti nga viti 2020. Ai ka qenë pjesë e klubeve Ankaragucu, Konyaspor, Pendikspor dhe Adanaspor. Kjo është aventura e parë në Algjeri pas katër sezoneve në Turqi.
