Përballja e zhvilluar së fundmi mes boksierit shqiptar Kristian Prenga dhe ish-kampionit të botës Anthony Joshua ka tërhequr vëmendje të madhe edhe për nga aspekti financiar.
Dueli u mbyll me fitoren e britanikut me nokaut në raundin e dytë, pavarësisht fillimit mjaft premtues të sportistit tonë. Sipas raportimeve nga mediat ndërkombëtare, fondi i përgjithshëm i vënë në dispozicion për këtë sfidë kapte shifrën e rreth 5.7 milionë eurove.
Pjesën më të madhe të këtij buxheti e mori Joshua, i cili përfitoi afërsisht 4.6 milionë euro nga përballja. Nga ana tjetër, Prenga arkëtoi një shumë prej rreth 1.1 milionë eurosh, duke shënuar kështu fitimin më të lartë financiar në karrierën e tij si boksier profesionist.
Krahasuar me sfidat e mëparshme mega-fitimprurëse të britanikut, ky fond ishte më i vogël, por mbetet një arritje e madhe për boksierin shqiptar.
