Jasir Asani transferohet në La Liga, e zbulon vetë lojtari

Sulmuesi i Kombëtares shqiptare, Jasir Asani, ka paralajmëruar një lëvizje të rëndësishme në karrierën e tij.

Mëngjarashi nga Shkupi zbuloi se është shumë pranë kalimit në kampionatin spanjoll, duke konfirmuar se ekziston një mundësi prej 95% që ai të transferohet në një klub “shumë të madh” të La Ligës.

Ndonëse emri i skuadrës mbetet ende sekret, Asani pranoi se ofertat për të nuk mungojnë as nga Arabia dhe Japonia.

Aktualisht pjesë e klubit iranian Esteghlal, Asani u shpreh se një ftesë nga elita e futbollit spanjoll është e pamundur të refuzohet. Megjithatë, ai nënvizoi se duhet të bisedojë me drejtuesit e klubit të tij aktual për të gjetur një zgjidhje të përshtatshme për largimin.

Sulmuesi theksoi gjithashtu rëndësinë e aktivizimit të vazhdueshëm, duke u shprehur se pushimet e gjata nuk i shërbejnë formës së lojtarëve.