Anis Mehmeti do të luajë në një nga kampionatet kryesore në botë, pasi Ipswich Town siguroi matematikisht ngjitjen në Premier League.
Në javën e fundit të sezonit në Championship, Ipswich mposhti Queens Park Rangers me rezultatin 3-0 në “Portman Road”, duke u renditur në vendin e dytë që mundëson ngjitjen direkte pa kaluar në fazën “play-off”.
Ndeshja nisi vrullshëm me golin e George Hirst në minutën e 3-të, i ndjekur nga Jaden Philogene në minutën e 9-të. Anis Mehmeti u aktivizua në minutën e 71-të dhe ishte protagonist në aksionin e golit të tretë, i cili u shënua nga Kasey McAteer në minutën e 85-të.
Me vërshëllimën përfundimtare, tifozët pushtuan fushën për të festuar këtë sukses historik me lojtarët. Ipswich e mbyll sezonin me 84 pikë dhe 80 gola të shënuar, ndërsa QPR renditet në vendin e 15-të.
