Klubi i Burnley-t ka zyrtarizuar shkarkimin e trajnerit Scott Parker katër javë përpara përfundimit të kampionatit anglez.
Ky vendim erdhi pas rënies zyrtare të skuadrës nga Premier League. Për katër sfidat e mbetura, drejtimi i ekipit i është besuar trajnerit 52-vjeçar Michael Jackson, i cili do të shërbejë si trajner i përkohshëm.
Emërimi i teknikut, i cili ndan të njëjtin emër me ikonën e muzikës pop, shënon nisjen e një kapitulli të ri për ekipin.
Kjo lëvizje sjell një mundësi të re edhe për sulmuesin e Kombëtares shqiptare, Armando Broja. Mbetet për t’u parë nëse Jackson do t’i besojë më shumë minuta lojtari shqiptar krahasuar me paraardhësin e tij.
Aventura e re e Brojës nën drejtimin e Jackson nis zyrtarisht këtë të premte në ndeshjen e transfertës kundër Leeds United.
Klubi konfirmoi se Jackson do të mbështetet nga stafi aktual teknik për ndeshjet e mbetura të sezonit.
