
E kryer, Pogradeci prezanton trajnerin e ri
Dritan Mehmeti është trajneri i ri i Pogradecit. Trajneri kryeqytetas është prezantuar në ambientet e klubit dhe ka nisur menjëherë nga puna, raporton…
Dritan Mehmeti është trajneri i ri i Pogradecit. Trajneri kryeqytetas është prezantuar në ambientet e klubit dhe ka nisur menjëherë nga puna.
Mehmeti pason në stol Emiljano Çelën, i cili dha dorëheqjen pas fitores me Besëlidhjen, ndeshje ku ekipi liqenor vinte pas katër dueleve pa sukses.
Ai vjen me një bagazh të madh eksperience pas drejtimit të skuadrave me peshë si Partizani e Dinamo.

Sa i përket trajneriut Emiljano Çela, ai e la ekipin në vendin e pestë me 17 pikë, plot katër më pak se Iliria kryesuese e kampionatit.
Tekniku nuk arriti të përmbushte pritshmëritë e klubit për t’u ngjitur në elitë as në sezonin e kaluar pavarësisht investimeve të mëdha, e po ashtu nuk pati startin e kërkuar në këtë edicion.
Burimi: Vetem Sport
Lajmet sportive më të shpejta direkt në rrjetet tuaja.




