Debatik Curri nuk do të jetë më trajneri i Gjilanit. Klubi i Superligës së Kosovës e ka njoftuar vendimin përmes një komunikate në rrjetet sociale, ku shprehin dhe falenderimin për kontributin që Curri ka dhënë për skuadrën gjatë qëndrimit në stol.
Humbja në transfertë përballë Vushtrrisë, minimalisht 1-0, duket se nuk është kapërdirë nga drejtuesit e klubit gjilanas, teksa vetë skuadra ndodhet në pozita të vështira në klasifikim.
Momentalisht Gjilani ndodhet në vendin e 6-të në kuotën e 11 pikëve.
Sa i përket pasuesit të Currit, klubi është duke bërë vlerësimet mbi trajnerin e ri që do të ulet në stol për të vazhduar me punën këtë sezon të ri në Superligë.
