Mario Mitaj do të vazhdojë karrierën në Serinë A. Genoa ka arritur marrëveshjen me Al Ittihad, për transferimin e mbrojtësit të Shqipërisë.
Futbollisti 22-vjeçar do t’i bashkohet skuadrës së Daniele De Rossit në formulën e huazimit me të drejtë blerjeje.
Mitaj u preferua përpara Antonino Gallos të Lecces dhe Bradley Lockos të Brestit, ndërsa Genoa fitoi edhe konkurrencën me Porton për shërbimet e tij. Sipas raportimeve, vetë lojtari pranoi të hiqte dorë nga një pjesë e pagës për të realizuar transferimin.
Mitaj e nisi karrierën te AEK, më pas luajti te Lokomotiv Moska dhe në vitin 2024 kaloi te Al-Ittihad. Ai ishte ndjekur më parë edhe nga Juventusi dhe Roma, ndërsa tani pritet të nisë aventurën e parë në Serie A.
