Serie A zhvilloi një nga ndeshjet më spektakolare për këtë sezon dhe u regjistrua në javën e tetë.
Atalanta dhe Frosinone ndanë nga një pikë mes tyre, pas barazimit 4-4. Tetë gola të shënuar, shumë spektakël, por pa fitues.
Në Bergamo, miqtë e nisën ndeshjen shumë mirë. Schmid zhbllokoi takimin, pas vetëm një minute lojë.
Vendasit barazuan në minutën e 14-të me Krstovic, por vetëm tre minuta më vonë, Schmid riktheu avantazhin e Frosinones.
Brenda pjesës së parë, Atalanta ia doli të përmbysë rezultatin falë golit të shënuar nga Ederson në minutën e 33-të me penallti dhe Krstovic në minutën e 45-të.
Fraksioni i dytë nisi siç u mbyll i pari. Calo barazoi shifrat në minutën e 48-të, por vetëm dy minuta më vonë, Elmas shënoi të katërtin për Atalantën, duke i dhënë ekipit të tij avantazhin.
Miqtë nuk u dorëzuan dhe ia dolën të barazojnë sërish. Në minutën e 82-të, ishte Terzic, ai që vulosi shifrat 4-4, duke bërë që ekipet të ndajnë nga një pikë.
Me këtë barazim, Atalanta mban vendin e 11-të me 10 pikë, ndërsa Frosinone me katër pikë më shumë, renditet në vendin e gjashtë.
Në duelin tjetër, Genoa fitoi 1-0 në shtëpi ndaj Venezias. Golin e vetëm dhe të fitores, e shënoi Ellertsson në minutën e 25-të, pas një asisti të marrë nga El Shaarawy.
Në këtë takim luajti si titullar edhe mbrojtësi i Kombëtares, Mario Mitaj. Anësori i majtë, zhvilloi takimin e parë në Serinë A, ku luajti për 81 minuta.
Me këtë sukses, Genoa ngjitet në vendin e 16-të me shtatë pikë, ndërsa Venezia mbetet në vendin me vetëm 3 pikë.
