Futbollisti shqiptar, Ardon Jashari raportohet se do të kërkojë që Club Brugge ta lirojë atë drejt kalimit te Milan, duke refuzuar të pranojë oferta më të larta nga Chelsea, Bayer Leverkusen ose klube tjera.
Lojtari e ka bërë shumë të qartë se dëshiron t’i bashkohet kuqezinjtë, një ekip që e ka mbështetur që kur vizitoi “San Siron” si fëmijë për t’i parë në veprim.
Ai u la jashtë skuadrës për ndeshjen e sotme hapëse të sezonit, por u vendos në listën e tyre evropiane.
Sipas “Sky Sport Italia”, Jashari ka vendosur t’i marrë gjërat në duart e veta dhe do të përballet me drejtuesit e Club Brugge në një takim krize gjatë fundjavës.
Ai synon të kërkojë një shitje te shtatë herë kampioni i Evropës, të cilët besojnë se oferta e tyre me vlerë 33.5 milionë euro plus bonuset ishte plotësisht e mjaftueshme, veçanërisht pasi agjentët e tij pohojnë se Brugge premtoi ta shiste nëse dikush do të vinte me një ofertë prej 32.5 milionë eurosh.
Më e rëndësishmja, lojtari i kombëtares zvicerane do të paralajmërojë gjithashtu se nuk ka ndërmend të pranojë ndonjë klub tjetër, edhe nëse Chelsea, Bayer Leverkusen dhe klubi saudit Neom janë të gatshme të ofrojnë më shumë para.
