Trajneri Jeton Beqiri është pozicionuar si kandidati kryesor për të marrë drejtimin e skuadrës së Gjilanit në Superligën e Kosovës.
Tekniku 43-vjeçar ndodhet aktualisht pa kontratë pas mbylljes së aventurës së tij në stolin e Shkëndijës së Tetovës në Maqedoninë e Veriut.
Sipas raportimeve të fundit, palët janë në bisedime pasi klubi kosovar po përgatit një projekt të ri ambicioz që përfshin ndryshime rrënjësore në strukturë.
Beqiri gëzon një përvojë të rëndësishme në rajon, ku gjatë periudhës së tij te Shkëndija arriti suksese në arenën ndërkombëtare, duke e kualifikuar skuadrën në fazën e grupeve të Conference League.
