Franca e ka nisur Botërorin me fitore. “Gjelat” triumfuan 3-1 ndaj Senegalit, në ndeshjen e Grupit I.
Ishte një ndeshje me dy tablo, ku pjesa e parë foli për afrikanët, që në një rast u ndalën nga shtylla me Jackson, ndërsa Sarr gjuajti mbi portë.
Pjesa e dytë ishte tjetër histori, ndërsa foli vetëm për Francën. Dominimi i skuadrës së Deschamps u shpërblye në minutën e 66-të.
Kylian Mbappe zhbllokoi takimin, pas një asisti perfekt të marrë nga Michael Olise.
Për të dyfishuar shifrat mendoi Barcola. I futur nga stoli, sulmuesi shënoi në minutën e 82-të, pas një asisti të marrë nga Rabiot.
Senegalezët rihapën takimin në minutën e 94-t, me një gol të Mbaye, por Mbappe riktheu avantazhin e dy golave, me një predhë nga jashtë zone.
