Bota e futbollit është në zi! Është ndarë nga jeta trajneri legjendar, Mircea Lucescu, në moshën 80-vjeçare.
Tekniku i njohur mbylli sytë pasditen e së martës, 7 prill 2026, pas një beteje me problemet kardiake që e kishin munduar kohët e fundit.
Lucescu konsiderohej si një nga figurat më emblematike të futbollit evropian, me një karrierë që shtrihej në mbi 45 vite aktive në stolat e ekipeve më prestigjioze.
I lindur në vitin 1945 në Bukuresht, Lucescu pati një karrierë të suksesshme edhe si lojtar përpara se të niste rrugëtimin si trajner te Corvinul Hunedoara në vitin 1979.
Ai udhëhoqi kombëtaren e Rumanisë (1981-1986) dhe më pas shkroi historinë në vende si Italia, Turqia, Ukraina dhe Rusia.
Periudha e tij më e ndritur ishte te Shakhtar Donetsk (2004-2016), ku fitoi dhjetëra tituj, përfshirë Kupën UEFA në vitin 2009.
Gjatë karrierës së tij, ai fitoi trofe me klube si Dinamo e Rapid Bukuresht, Brescia, Galatasaray, Besiktas, Zenit dhe së fundmi Dinamo Kiev.
