30 milionë euro, klubi i njohur tenton Asllanin

Sulmuesi i Hoffenheim-it, Fisnik Asllani, është bërë objektiv i merkatos për klubin e njohur turk, Fenerbahçe.

Pas dy sezonesh me paraqitje pozitive në Gjermani, 23-vjeçari ka tërhequr vëmendjen e trajnerit Domenico Tedesco, i cili po këmbëngul për afrimin e tij në Turqi.

Gjatë këtij edicioni, futbollisti ka regjistruar shtatë gola dhe tre asistime, shifra që kanë rritur ndjeshëm vlerën e tij në treg. Raportohet se vlera e mundshme e këtij transferimi, që parashikohet të ndodhë gjatë verës, mund të arrijë deri në 30 milionë euro.

Megjithatë, Hoffenheim nuk ndodhet në presion për ta shitur lojtarin, pasi Asllani ka një kontratë afatgjatë të vlefshme deri në vitin 2029.