Rei Zekaj është gati të bëjë një hap shumë të rëndësishëm në karrierën e tij.
Ish-kapiteni i skuadrës së Partizanit U19 pritet të bashkohet zyrtarisht me ekipin e parë të Elbasanit, sipas “Ligasport”.
Mbrojtësi i ri ka spikatur me paraqitjet e tij te të rinjtë e klubit kryeqytetas gjatë sezoneve të fundit.
Pjekuria e tij në fushë dhe aftësitë lider i dhanë atij shiritin e kapitenit me kuqtë e moshave. Tashmë për Zekajn po hapet një kapitull i ri dhe premtues në elitën e futbollit tonë.
Kalimi te Elbasani përbën një mundësi të shkëlqyer për të treguar potencialin e tij në nivel më të lartë garash. Drejtuesit e klubit verdheblu kanë shfaqur besim të madh te aftësitë e futbollistit të ri.
