Anis Mehmeti ndodhet në qendër të vëmendjes së merkatos angleze gjatë këtyre ditëve të fundit.
Birmingham raportohet se ka paraqitur një ofertë prej 8 milionë eurosh për të siguruar shërbimet e sulmuesit shqiptar. Megjithatë, klubi i tij aktual, Ipswich Town, kërkon të paktën 10 milionë euro për të lejuar largimin e tij.
Përveç Birmingham-it, interesim të lartë për 25-vjeçarin e Kombëtares kanë shfaqur edhe klube të tjera nga Championship, si Wrexham, Derby County dhe Millwall.
Mehmeti iu bashkua Ipswich-it në janar, por me ngjitjen në elitë, hapësirat e tij në Premier League duken të kufizuara.
Për këtë arsye, largimi drejt një klubi ku mund të luajë rregullisht shihet si opsioni më i mirë për të gjitha palët.
Meqenëse Mehmeti njihet si një nga lojtarët më spikatës në ligën e dytë angleze, orët e ardhshme pritet të jenë përcaktuese për të ardhmen e tij.
