Situatë kaotike te Vllaznia e femrave, pak ditë para nisjes së kampionatit. Këtë të premte, u raportua për një tërheqje të ekipit nga kampionati, por si qëndron e vërteta?!
Presidenti Lazer Matija ka dhënë dorëheqjen, duke u larguar nga ekipi, më i suksesshëm në futbollin shqiptar.
Për momentin, Vllaznia mbetet pjesë e kampionatit, por me një kusht. Do të vazhdojë sezonin e ri, vetëm nëse gjendet një president i ri.
Në të kundërt, Vllaznia do të tërhiqej, pasi nuk do të kishte mbështetjen e duhur për të vazhduar. Mbetet të shihet çfarë do të ndodhë në orët e ardhshme.
