Një lajm mjaft i papritur dhe tronditës ka mbërritur mëngjesin e sotëm për futbollin e femrave në Shqipëri.
Skuadra e Vllaznisë së femrave ka vendosur të mos marrë më pjesë në kampionatin kombëtar, raporton Shkodra Sport.
Situata e rënduar dhe klima jopozitive e krijuar së fundmi kanë bërë që situata të precipitojë drejt këtij hapi ekstrem.
Kjo mbyllje e papritur do të linte pa ekip skuadrën që ka qenë simboli dhe krenaria absolute e futbollit të femrave në vend. Vllaznia numëron plot 13 tituj kampionë të Shqipërisë dhe do të mbahet mend gjatë për sukseset e saj historike.
Skuadra shkodrane arriti deri në fazën e grupeve të Ligës së Kampionëve duke sjellë në Shkodër gjigantë si Real Madrid, PSG, Chelsea, Juventus e Inter.
Tërheqja e këtij ekipi përfaqëson një humbje të madhe për të gjithë lëvizjen sportive kombëtare.
