Partizani po zhvillon një nga sezonet më të vështira të viteve të fundit. Skuadra mban vendin e fundit në renditje, ku në shtatë javë ka grumbulluar vetëm katër pikë.
Megjithatë, duket se përveç situatës aktuale në fushë, klubi kujdeset edhe për çështjet e tjera jashtë saj. “Panorama Sport”, raportoi se klubi ka shkarkuar fotografin zyrtar pas 12 vitesh bashkëpunim.
LEXO EDHE: Doli në protestë, Partizani e shkarkon menjëherë
Arsyeja? Nuk bëhet e ditur, por vendimi ka ardhur pak orë, pasi fotografi u shfaq në protestën studentore, që ka pushtuar Shqipërinë.
Ky vendim, del edhe kundër tifozëve. Ultrasit “Guerrils”, ishin ndër të parët që dolën në mbështetje te protestave studentore, madje kërkuan edhe mbështetjen e tifogrupeve.
LEXO EDHE: “Guerrils” thirrje për bashkim me rivalët, dalin në mbështetje të protestuesve
Ndër vërtetohet që fotografi u shkarkua për shkak të protestës, do të thotë që klubi është edhe kundër tifozëve që kërkuan mbështetjen e studentëve.
Në ditët e ardhshme, pritet të qartësohet gjithçka…
