Ivan Ballliu mund të mos grumbullohet më në Kombëtare. Vetë trajneri Rolando Maran, në konferencë për shtyp, u shpreh se mbrojtësi nuk ka qenë i sigurt nëse do të luajë më me kuqezinjtë.
Tekniku i ri kuqezi, u shpreh se në të ardhmen do i kushtojë më shumë vëmendje Kombëtares U-21.
“Kam folur me Balliun dhe ishte shumë i sinqertë. Nuk e di ende nëse do të luajë për Kombëtaren. Kërkoi kohë për të vendosur dhe kjo më duket gjëja e duhur.
Ne jemi gjithmonë të uritur dhe krenarë për rezultate të mira. Kemi pasur pak kohë. Iu referova listës së pritjes që ishte dërguar. Nuk ka presione, por dëshirë për të fituar. Jo duke eksperimentuar. Nuk vjen gjithmonë nga eksperimentet rritja. Është fundi i sezonit dhe lojtarët vijnë me lodhje. Nga ajo që kam folur, kam parë shpirt sakrifice dhe kjo është ajo që na duhet.
Pasi të mbarojnë këto dy ndeshje, do kem hapësirë t’i jap vëmendje Kombëtares U-21. Ky është hapi i radhës për të pasur lojtarë në Kombëtare.
Duhet parë çfarë i shërben kombëtares. Dua të jem objektiv në zgjedhjet që bëj.
Qëllimi është të kemi një mbrojtje me 4 lojtarë dhe 3 lojtarë më ofensivë. Dua të shikoj lojtarët dhe më pas do të vendos”, u shpreh Maran.
Shqipëria do të luajë me Izraelin më 3 qershor dhe me Luksemburgun më 6 qershor. Të dyja sfidat do të zhvillohen në stadiumin “Air Albania”.
