Trajneri i kombëtares shqiptare, Rolando Maran, ka zhvilluar një konferencë për shtyp për të diskutuar rreth listës së lojtarëve të grumbulluar për dy ndeshjet miqësore të muajit qershor.
Përfaqësuesja kuqezi do të zhvillojë dy takime testuese gjatë javëve në vijim, ku do të përballet fillimisht me Izraelin dhe më pas me Luksemburgun.
Gjatë këtij komunikimi me mediat, tekniku italian bëri të ditur një plan strategjik për ndjekjen e futbollit vendas, duke paralajmëruar se me nisjen e kampionatit të ri do të vizitojë nga afër çdo klub shqiptar.
Kjo praktikë pune është aplikuar më parë edhe nga ish-trajneri Gianni De Biasi, me të cilin Maran gëzon një marrëdhënie miqësore. Sa i përket përbërjes së skuadrës për dy sfidat e radhës, nga kampionati i Abissnet Superiore janë përzgjedhur vetëm dy futbollistë.
Emrat e ftuar nga elita vendase janë portieri i Partizanit, Pano Qirko, si dhe mbrojtësi i Dinamo City-t, Naser Aliji.
