Evangjelos Gjoka ka vendosur të ndërrojë kombëtaren dhe nuk do të përfaqësojë më Shqipërinë. Talenti i cili aktivizohet me ekipin e PAOK U19, pritet të bashkohet së shpejti me kombëtaren U19 të Greqisë.
Sipas informacioneve, lojtari i klubit grek pritet të marrë ftesën e parë nga fqinjtë tanë jugorë brenda një kohe të shkurtër. Arsyeja kryesore e këtij vendimi lidhet me pakënaqësinë e mesfushorit për hapësirën e pakët te moshat e Shqipërisë.
Gjoka nuk ka qenë i kënaqur me minutazhin që i është ofruar gjatë grumbullimeve me ekipet tona zinxhir. Kjo mungesë minutash ka rezultuar vendimtare në këtë “divorc” të parakohshëm me ngjyrat kuqezi.
Ky rast shton listën e lojtarëve të rritur në akademitë greke që Shqipëria humbet përgjatë viteve. Ndonëse ai luajti më parë për Shqipërinë, dëshira për më shumë minuta e ka shtyrë drejt Greqisë.
Karriera e tij ndërkombëtare tashmë pritet të vazhdojë nën logon e federatës helene. Largimi i tij konsiderohet një humbje për ekipet tona kombëtare të moshave.
Drejtuesit e ekipeve kombëtare shqiptare nuk kanë dhënë ende një reagim për këtë lëvizje. Situata konfirmon vështirësinë e mbajtjes së talenteve që rriten në kampionate të huaja.
![asat mala]](https://vetemsport.com/wp-content/uploads/2026/06/asat-mala-768x508.png)
